"Xitayning amérikining yawropa we asiya-ténch okyan rayonidiki shérikliri bilen bolghan munasiwiti" namliq guwahliq bérish yighini chaqirildi

Muxbirimiz irade
2018-04-05
Élxet
Pikir
Share
Print

Peyshenbe küni, amérika dölet mejliside "Xitayning amérikining yawropa we asiya-tinch okyan rayonidiki shérikliri bilen bolghan munasiwiti" namliq bir guwahliq bérish yighini ötküzüldi.

Bu yighin'gha amérikidiki nopuzluq istratégiye tetqiqat orunlirining tetqiqatchiliri qatnashqan. Ular yighinda amérika dölet mejlisi ezalirigha xitayning xelq'aradiki siyasiy tesirini ashurushqa urunush herikiti we buning amérikigha élip kélidighan selbiy tesirliri heqqide melumat bergen.

Yighinda söz qilghan tetqiqatchilar, xitayning nöwette özining yéqin chégraliridin halqip ötüp, yawropa döletliri we asiya-tinch okyan rayonigha qaratqan siyasiy tesirini ashurushqa hedep urunuwatqanliqi, yawropadiki nurghun kichik döletlerni özining iqtisadiy küchi arqiliq tesir da'irisige élip, ularni özining siyasiy meqsetliri üchün ishqa séliwatqanliqi, asiya-tinch okyan rayonidiki herbiy heriketlirining kücheygenliki qatarliq bir qatar mesililerni otturigha qoyup ötken.

Amérika dölet mejlisining ezasi talént, béyjing hökümitining pilanliq we sistémiliq halda yawropa we asiya-tinch okyan rayonida amérikining menpe'etlirini we amérikining bashlamchiliq rolini peydin-pey emeldin qaldurushqa urun'ghanliqini eskertken we amérikining buninggha qarita bir tedbir élishi kéreklikini bildürgen.

Guwahliq bérish yighinida herqaysi sahelerdiki tetqiqatchilar xitayning yawropa döletliri bilen bolghan alaqisi we yawropaning inkasi, xitayning "Bir belwagh, bir yol" istratégiyesi, iqtisadiy munasiwetler, teywen mesilisi, kishilik hoquq qatarliq bir qatar témilar boyiche doklat bérip ötken.

Doklat bergüchi mutexessisler, amérika bruking instituti, xelq'ara istratégiyelik tetqiqatlar merkizi, xelq'ara teywen instituti, amérika döletlik démokratiyeni ilgiri sürüsh fondi, "Diplomat" zhurnili we jéymis tawn fondi qatarliq organlardin kelgen iken.

Toluq bet