Xitay we teywen prézidéntliri tunji qétim yüz turane körüshmekchi

Muxbirimiz erkin
2015-11-04
Share


Xitay we teywen prézidéntliri 66 yilidin buyan tunji qétim yüz turane körüshmekchi.

Xewerlerge qarighanda, xitay prézidénti shi jinping we teywen prézidénti ma yingjyu 7 - noyabir sin'gaporda uchrishidiken.

Melumatlargha qarighanda, mezkur uchrishishning teywende xitaygha qarshi pikir éqimi bash kötürüshke bashlighan mezgilge hemde teywende ötküzülidighan prézidént we parlamént saylamlirining aldigha toghra kélishi diqqet qozghighan.

BBC Da xewer qilishiche, her ikki terep söhbetlerning ikki qirghaq munasiwetlirige merkezlishidighanliqini bildürüshken.

1949 - Yili xitay kommunist hökümiti hakimiyet béshigha chiqqandin kéyin, jang jyéshi teywen'ge chékinip, eslidiki "Jungxu'a min'go" namidiki dölet apparatini saqlap qalghan.

Halbuki, xitay da'iriliri teywenning igilik hoquqini ta hazirghiche étirap qilmay kelgen. Ikki terep munasiwetliri 2008 - yili ma yingjyu teywen prézidénti bolup saylan'ghandin buyan bir qeder yaxshilan'ghan.

Bezi melumatlarda bu nöwetlik saylamda nöwette hakimiyet béshidiki partiye - gomindang partiyesining, teywenning musteqilliqini yaqilighuchi - démokratik tereqqiyat partiyesige utturup qoyidighanliqi perez qilin'ghan idi.

Ikki terep aliy rehberlirining tunji qétimliq tarixiy uchrishishida yene némilerning muzakire qilinidighanliqi hazirche axbaratqa qarangghu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet