Xitay da'iriliri nöwette Uyghur élini xitay ölkilirige tutashturidighan yene ikki tömüryol linyesni yasashqa hazirlan'ghan
2014.05.10
Xitay xelq torining xewer qilishiche, mezkur tömüryol liniyilirining biri qumul, ichki mongghul, gensu ölkilirini bir birige tutashturidiken. Bu qurulush türige bu yil iyunda ish bashlinidiken.
Yene bir tömüryol liniyisi korla bilen chingxeyning golmud shehirini biwasite tutashturidiken.
Xitayning Uyghur élide turushluq tömüryol idarisi bilen chingxey tömüryol idarisi bu heqtiki kélishimni 28 - aprél imzalighan. Mezkur liniye qurulushi bu yil 11 - ayda resmiy bashlinidiken.
Bu qurulush türige a'it liniye xeritisige qarighanda tömüryol korla shehiridin bashlinip, cherchen ötüp golmud shehirige tutishidiken. Bu yolning omumiy uzunluqi 1ming 222 kilométir bolup, dölet birinchi derijilik tomur liniyisi qilip békitilgen.
Xewerde bu yolning Uyghur rayonining bayliq menbelirini échish we iqtisadiy tereqqiyatini ilgiri sürüshte intayin muhim ehmiyetke ige ikenliki körsitilgen.
Xitay hökümiti atalmish shinjang xizmet yighinidin kéyin Uyghur élidiki bayliq menbelirini échish we qézilma bayliqlarni yötkesh qedimini tizletken idi.