Xitay da'iriliri Uyghur élige kélidighan yuqiri süretlik tömüryolni sinashqa bashlighan

Muxbirimiz jüme
2014-09-13
Share


Xitay da'iriliri Uyghur élige kélidighan yuqiri süretlik tömüryolni yasashqa we poyizlarni sinashqa bashlighan.

Xewerlerge qarighanda, 27 milyard dollarliq bu yuqiri süretlik tömüryol liniyesi xitayning lenju shehiridin bashlinip, ürümchige tutashturulidiken.

Nöwette xitay da'iriliri mezkur tömüryol liniyeside sinaq élip bériwatqan bolup, poyizning sa'etlik süriti 217 kilométirgha yétidiken.

Mutexessislerning qarishiche, mezkur tömüryol liniyesi xitayning Uyghur élini ilgirilep kontrol qilish we shu arqiliq merkiziy asiyagha kéngiyish qestini ashkarilaydiken.

"Washin'gton pochtisi" gézitide awstraliye mélburn uniwérsitéti léktori jeymis léyboldning éytqanliridin neqil qilishiche, amérika armiyesining afghanistandin chékinishige egiship, xitay merkiziy asiyagha yüzlinishke bashlighan.

Xewerlerge qarighanda, xitay Uyghur élige tutashturidighan mezkur tunji yuqiriqi süretlik tömüryol liniyesi bu yilning axirida resmiy ishqa kirishtürülüp yoluchi toshushni bashlaydiken.

Xitay da'iriliri ilgiri taq liniyelik tömüryolni 90 yillarda qosh liniyelik qilip özgertken we Uyghur élidin chiqqan xam eshyalarni toshush qedimi tizlitish bilen birge xitay köchmenlirini Uyghur élige yötkesh süritini ashurghan idi.

Bu nöwetlik yuqiri süretlik tömüryol liniyesining yene néme meqsetlerni közligenliki namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet