Jyangsudiki top tarqitish baziridiki sodigerler bilen saqchilar arisida toqunush yüz berdi

8-Iyul küni jyangsuning changju shehiridiki top tarqitish bazirining toxtitilghanliqigha naraziliq bildürgen sodigerler bilen saqchilar arisida toqunush yüz berdi.

Radi'omiz xitay bölümi igiligen uchurlardin melum bolushiche, düshenbe küni jyangsu ölkisi changju shehiri top tarqitish baziridiki 1000din artuq sodiger, da'irilerning top tarqitish bazirida otttin mudapi'e körüsh eslihelirini tekshürüsh namida tijaretning toxtitilidighanliqi heqqide chiqarghan uqturushigha naraziliq bildürüp, bazar toxtitilghanliq sewebidin hökümetning sodigerlerning tartqan ziyanlirini tölep bérishni telep qilghan.

Emma, sheherlik hökümet top tarqitish bazirigha 300din artuq alahide saqchilarni ewetip, naraziliq namayishi qiliwatqan tijaretchilerni laza süyi qatarliqlarni chéchish arqiliq mejburiy tarqitiwétishke urun'ghan. Netijide saqchilar bilen tijaretchiler arisida toqunush yüz bérip,her ikki tereptin yarilinish ehwalliri körülgen, naraziliq namayishigha yétekchilik qilghan 3 neper sodiger saqchilar teripidin tutqun qilin'ghan.

Namayishning tereqqiyati heqqide radi'omizgha inkas qilghuchilarning bildürüshiche, 9-iyul seyshenbe küni etigen top tarqitish bazirida weziyet saqchilar teripidin kontrol qilin'ghan bolup,nöwette sheherlik hökümet top tarqitish baziridiki tijaretchiler bilen söhbet ötküzüsh arqiliq mesilini hel qilishni teshebbus qilghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar