Uchturpanda yüz bergen xitay saqchilirigha hujum qilish weqesi xelq'ara metbu'atlarda
2014.02.15
Aqsuning uchturpanda yüz bergen xitay saqchilirigha hujum qilish weqesi xelq'ara metbu'atlarda keng orun aldi.
Köpinche metbu'atlarda xitay saqchilirining bu qétimliq weqesimu “Térrorluq weqesi” dep atighanliqi weqede 8 kishining étiwétilgenliki, gerche xitay hökümiti weqe sadir qilghuchilarning millet terkibini ashkarilimighan bolsimu, bularning Uyghur bolushi mumkinliki perez qilindi.
“Nyu - york waqit géziti” de bérilgen xewerde mundaq déyildi: hökümet da'iriliri bomba partlatqanlarning étnik terkibini ashkarilimidi. Emma, ularning Uyghur bolushi éniq. Uyghurlar bir türkiy tilliq millet bolup, ular mezkur rayonda xitay köchmenlirining barghanche köpiyishi we hökümetning öz medeniyiti we islam dénini qattiq kontrol qilishidin tolimu narazi.
Xewerde yene mundaq déyildi: hökümet axbaratliri bu hujumchilarni ilgiriki toqunushlardikige oxshashla “Térrorchilar” dep atidi.
Maqalide yene. Mezkur rayondiki milliy jiddiylikning 2009 - yildiki “Ürümchi weqesi” din kéyin téximu ulghayghanliqini körsitildi.
Maqale axirida hökümet axbaratidin neqil élip Uyghurlarning nöwettiki rayon nopusning 46 pirsentini teshkil qilidighanliqi, rayon'gha toxtawsiz köchüp kéliwatqan xitay aqqunlirining yerliklerge tewe xizmet pürisiti, yer - zémin we soda menbelirini igilep kétiwatqanliqimu alahide körsitilgen.
14 - Féwral aqsuning uchturpan nahiyiside yüz bergen toqunushta 11 hujumchining qaza qilghanliqi, ikki neper xitay saqchisini öz ichige alghan 4 adem yarilan'ghanliqi xewer qilin'ghan idi.
Bu, bu yil kirgendin buyan Uyghur élide yüz bergen yene bir qétimliq qanliq weqedur.