Xitayning “Tor bixeterlik qanun layihesi” soda we kishilik hoquq teshkilatlirida endishe qozghidi

Muxbirimiz erkin
2015-07-08
Share


Xitay xelq qurultiyi yéqinda otturigha qoyghan “Tor bixeterlik qanun layihesi” gherb soda sahesi we xelq'ara kishilik hoquq teshkilatlirida endishe qozghidi. Xelq'ara kechürüm teshkilati bu layihening tor cheklimisini éghirlashturuwétidighanliqini bildürdi.

Mezkur organning tetqiqatchisi wilyam néy firansiye agéntliqigha pikir bildürüp, “Bu layihe resmiy qanun'gha aylanmighan bolsimu, biraq biz uning hazirqi tor cheklimisini téximu éghirlashturuwétishidin endishe qilimiz” dédi.

Wilyam néyning körsitishiche, bu qanun téximu qattiq cheklimidin dérek bérish bilen birge, xitay hökümitini yaqturmaydighan kishilerni jazalashni éghirlashturidiken.

Mezkur qanun yene, gherb soda sahesini endishige salghan.

Yawropa ittipaqi soda uyushmisining prézidénti jorg wutké, “Eng asasliq endishem, mezkur qanun layihesining tili xitayning bashqa qanunlirigha oxshashla nahayiti müjmel. Uning qandaq ijra qilinidighanliqi éniq emes” dédi.

D u q ning bayanatchisi dilshat rishit charshenbe küni muxbirimizgha bu qanun Uyghur torchiliqigha zerbe bérishni qanunlashturidu, dédi. Uning körsitishiche, qanun layihesi maqullansa, u Uyghurlarning uchurgha érishishini we torda erkin pikri bayan qilishini téximu boghidiken.

Lékin xitay xelq qurultiyi mezkur qanunning tor bixeterliki, xitayning tor igilik hoquqi hem dölet bixeterlikige kapaletlik qilidighanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet