40Tin artuq shirket xitayning tor qanunigha bolghan endishisini bildürdi

Muxbirimiz ümidwar
2016-11-13
Share


Otken hepte xitay xelq qurultiyi "Tor bixeterlik qanuni"ni resmiy qobul qilghandin kéyin, xelq'ara jem'iyetning diqqitini qozghighan bolup, bir qisim kishilik hoquq kozetküchiliri bu qanunning xitaydiki intérnét we metbu'at erkinlikini boghush rolini oynishi heqqidiki endishilirini bildürüshken idi.

Ötken jüme küni bir qanche yüz shirketke wekillik qilidighan 40 tin artuq xelq'araliq shirket xitay hokümitige xet ewetip, mezkur tor bixeterlik qanunigha bolghan endishilirini bildürgen.

Amérika awazining xewer qilishiche, bu shirketler özlirining xitay hökümitige bildürgen endishiliride mezkur qanunning xitay bilen dunyaning bashqa doletliri arisidiki iqtisadiy ariliqni chongaytiwétishi mumkinlikini izhar qilghan.

Bu xetke imza qoyghan shirketler ichide amérika soda jem'iyiti, yawropa karxanilar uyushmiliri birleshmisi, xelq'araliq xaraktérge ige uchur téxnikisi karxaniliri birleshmisi, intérnét tori birleshmisi we bashqilar bar iken.

7-Noyabir küni qobul qilin'ghan tor bixeterlik qanun kéler yili 6-ayning 1-künidin étibaren yolgha qoyush belgilen'gen.Qanunda tor boshluqigha bolghan igilik hoquqni qoghdash tekitlen'gen bolup, buningda intérnét toridiki söz erkinlikini qattiq kontrol qilishtin bashqa yene xitaydiki chet'el sodigerlirining shexsiy uchurliri we asasliq soda uchurliri hem bashqa uchurlirining dölet bixeterlik organlirining tekshürüshidin ötüshi belgilen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet