Türmidiki adwokat go féyshyongning ayali shi jinpingdin yardem telep qildi


2016-05-21
Share


Amérikigha jaylashqan xitay kishilik hoquq jem'iyitining bayanatigha qarighanda, türmidiki xitay kishilik hoquq adwokati go féyshyong 11 kündin buyan achliq élan qiliwatqan bolup, uning hayati bixeterlikidin ensirigen ayali jang ching xitay prézidénti shi jinpinggha mektup yollap, uni mezkur mesilige qol tiqishqa chaqirghan.

Melum bolushiche, go türmide özi üstidin élip bérilidighan bir qétimliq beden tekshürüshke qarishi 9 - maydin buyan achliq élan qilishni toxtatmighan.

Bayanatqa qarighanda, go üstidin ishlinidighan beden tekshürüsh ademning insaniy qedir - qimmitige dexli qilish xaraktérige ige bolup, türme da'iriliri bu tekshürüshning sin körünüshini tor dunyasigha yayimiz, dep gogha tehdit salghan iken.

Goning xotuni jang ching xitay re'isi shi jinping we bash ministir li kéchiyanggha yollighan ochuq xétide, ularni go türmide uchrawatqan xorluqlarni tekshürüshke chaqirghan.

Go féyshyong xitayda közge körün'gen kishilik hoquq adwokati, u xitaydiki siyasiy témilargha chétilidighan délolargha köp qétim wakaletchilik qilghan.

U 2006 yili 30 - séntebir "Qanunsiz soda qilmishi bilen shughullinish jinayiti" artilip bir qétim tutqun qilin'ghan we 2011 - yili qoyup bérilgen.

Go féyshyong axirqi qétim 2013 - yili awghustta tutulghan we shü yili küzde "Adem toplap jem'iyet teripini buzush" jinayiti bilen türmige tashlan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet