Xitay Uyghur élidiki üch oymanliqta zor kölemdiki néfitlik qurdi.

Muxbirimiz ümidwar
2015.04.05
Share on WhatsApp
Share on WhatsApp


Xitay axbarat wasitilirining xewer qilishiche, xitay hökümiti Uyghur aptonom rayonidiki üch oymanliq rayonida zor kölemdiki néfitliklerni berpa qilghan bolup, bularni”gherbtiki daching néfitliki“Dep teripligen.

Shinxu'a torining xewer qilishiche, 2015 - yili, Uyghur élidiki néfitliklerning néfit we tebi'iy gaz ishlepchiqirish miqdari tarixta tunji qétim 50 milyon tonnigha yetken bolup, bu Uyghur élidiki üch oymanliqta yéngidin yene bir daching néfitliki qurghan bilen teng iken. Chünki daching néfitliki xitayning sherqiy shimalidiki xitay boyichila emes, belki dunya boyiche eng chong néfitliklerdin bolup, daching néfitliki uda 12 yil her yili 40 milyon tonna xam néfit ishlep chiqarghan. Démek, 2014 - yili xitayning Uyghur élidin bir yilda ichide érishken néfit miqdari daching néfitlikining bir yilliq ishlep chiqirish miqdaridin éship ketken.

Gherbning néfiti we gazini sherqqe yötkesh pilanini téz sürette rawajlanduruwatqan bolup, nöwette jungghar, tarim we turpan - qumul oymanliqliri rayoni xitayning eng muhim néfit we tebi'iy gaz bazisigha aylandurulghan. Tebi'iy gaz élishmu kücheytilgen bolup, shinxu'a agéntliqi Uyghur élini:” shinjang xitay tebi'iy gaz sana'itining ümid déngizi“Dep atidi. Uyghur élidin élin'ghan tebi'iy gazlar bilen xitayning sherqidiki 13 ölke we sheher ahaliliri teminlenmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet