Xitay Uyghur élige 17 milyard dollar meblegh sélishni pilan qilghan

Muxbirimiz jüme
2016-03-06
Share


Xitay Uyghur élige 17 milyard dollar meblegh sélishni pilan qilghanliqini ashkarilighan.

Shinxu axbaratining körsitishiche, xitay da'iriliri bu nöwet Uyghur élige salmaqchi bulghan meblegh xizmet pursiti yaritish, öy qurulushi, yéza igiliki we naratliqtin qutuldurush qatarliq türlerge ishlitilidiken.

Xewerde bu mebleghlerning asasliq qaysi wilayet - nahiyelerge merkezleshtürülidighanliqi konkrétini körsitülmigen.

Roytérsta bu heqte bérilgen xewerde körsitishiche, xitay hökümiti rayonda yillardin buyan yüz bériwatqan toqunushlardiki mes'uliyitini tonushning ornigha, tonushlarni rayonda "Sherqiy türkistan" musteqil dölitini qurushqa urunuwatqan islamchi qoralliq guruppilargha dönggep kelgen.

Xelq'ara kechürüm teshkilati qatarliq kishilik hoquq organliri yillardin buyan élan qilip kéliwatqan doklatlirida xitay hökümiti Uyghurlargha qaratqan til, din we ma'arip siyasetlerning Uyghurlarning naraziliqigha seweb boluwatqanliqi, uningdin bashqa Uyghur élidiki iqtisadiy menpe'etlerdin yerliklerning sirtta qalduruluwatqanliqini körsitip kelgen idi.

Shinxu'a agéntliqining xewer qilishiche, da'iriler ötken 6 yil jeryanida Uyghur élige yene 600 milyard yüen meblegh salghan.

Roytérs bu heqtiki xewiride, hökümet da'irilining yene rayondiki mesililerning iqtisadiy tereqqiyat bilen munasiwetlik ikenlikini körsitip, buni pul bilen hel qilishqa tirishiwatqanliqini bayan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet