Хитайниң һөкүмәт ахбарати уйғур елидики бир қисим мәсилисини етирап қилған

Мухбиримиз җүмә
2013-12-21
Елхәт
Пикир
Share
Принт


Хитайниң һөкүмәт ахбарати болған «йәршари вақит гезити» уйғур елидики йеқини тоқунуш һәққидә елан қилған обзорида уйғур елидики милләтләр ара өчмәнлишиш мәсилисини етирап қилған, әмма униңдики сәвәбләрни сүрүштүрмигән.

Гезит мақалисидә, «шинҗаңдики һәр милләт хәлқ аммисини һәрикәткә кәлтүрүп террорлуққа қарши көрәш қилиш керәк» дәп җар салған болсиму, «нөвәттә шинҗаңдики милләтләр арисида сақлиниватқан аразлишишниң реаллиқиға тоғра қараш керәк» дәп уйғур елидики мәсилиләрни азрақ болсиму етирап қилған.

Хәвәрдә нәқил қилишичә, хитай «хәлқ гезити» башқурушидики «йәршари ват гезити» сайбағ вәқәси һәққидики обзорида йәнә, «5 - июл вәқәси» милләтләр арисида қалдурған чоңқур низа, уйғур, хәнзу арисида йәнә йеңи низаларни пәйда қилмақта, дегән.

Һалбуки обзорда «5 - июл вәқәси» ни кәлтүрүп чиқарған амилларниң немә икәнлики көрситилмигән.

15 - Декабир қәшқәр конашәһәр наһийисиниң сайбағ йезисида қанлиқ вәқә йүз берип, хитай аманлиқ күчлири бир аилә кишилиридин 16 адәмни қирғин қилған вә 21 балини йетим қилған иди.

Пикирләр (0)
Share
Толуқ бәт