Xitay Uyghur élida bu yil 125 ming adem qétim qurulush ustisi terbiyelep yétishtüridighanliqini bildürgen

Washin'gtondin muxbirimiz irade teyyarlidi
2024.05.09

Xitayning “Tengritagh tori” ning xewirige qarighanda, Uyghur aptonom rayonluq da'iriler bu yil ichide 125 ming adem qétim qurulush ustisini terbiyeleshni pilanlawatqan bolup, bu ishchilar üchün 100 mingdin artuq ish orni yaritilidighanliqi bildürülgen.

Xewerde déyilishiche, Uyghur aptonom rayonluq turalghu we sheher-yéza tereqqiyat nazariti 2024-yili ichide Uyghur élidiki turalghu we sheher-yéza tereqqiyatigha da'ir yéngi siyasetlerni yolgha qoyidiken. Xewerde sheher we yézilardiki emgekchilerni terbiyelep, qurulush orunlirigha köplep ishchi qobul qilidighanliqi bildürülgen.

Xitay hökümiti 2017-yili Uyghur élida lagérlarni yolgha qoyush bilen birge, mejburiy emgek tüzümini yolgha qoyup, Uyghurlarni keng kölemde xitayning dölet we xususiy igilikidiki zawut-karxanilirigha yötkep ishqa orunlashturghan idi. Qurulush sahesige bunche köp ishchining qobul qilinishi Uyghur mejburiy emgiki heqqidiki endishini yenimu kücheytmekte.

Mezkur xewerge qarighanda, hazir Uyghur élining qurulush sana'itining omumiy ishlepchiqirish qimmiti 340 milyard yüendin ashidighan bolup, rayon ichki ishlepchiqirish omumiy qimmitining 7 pirsenttin köprekini igileydiken. Ötken töt yilda Uyghur élida jem'iy 520000 qurulush ishchisi terbiyelen'gen bolup, 370 mingdin artuq xizmet orni yaritilghanliqi ilgiri sürülgen.

 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.