Xitay özbékistandin gaz import qilmidi

Muxbirimiz ümidwar
2015-04-05
Share


Xitay 2015 - yili kirgendin buyan özbékistandin tebi'iy gaz import qilmaywatqan bolup, buning sewebi bildürülmigen.

Perghane tori "Néfttrans.Ru" toridiki bu heqtiki uchur asasida xewer tarqatqan. Eslide yéqinqi yillardin buyan özbékistan bilen xitayning tebi'iy gaz sahesidiki hemkarliqi ashurulghan bolup,rusiyening xewerler agéntliqi xitayning 2015 - yili özbékistandin 10 milyard kub métirghiche tebi'iy gaz import qilmaqchi bolghanliqini xewer qilghan idi. 2013 - Yili xitay özbékistandin 6 milyard kub métir gaz import qilghan. Néme sewebtin xitayning 2015 - yili özbékistandin tebi'iy gaz import qilmighanliqi qiziqish qozghimaqta. Perez qilinishiche, nöwette xitay bilen türkmenistan we qazaqistanning tebi'iy gaz alaqisi téximu kücheygen bolup, türkmenistan xitayning asasliq tebi'iy shérikige aylan'ghan. Türkmenistanning 2015 - yili xitaygha chiqiridighan tebi'iy gaz miqdari 47 % ashqan. 2014 - Yili türkmenistan xitaygha 26 milyard kub métir gaz bergen. 2020 - Yiligha kelgende her yili 65 milyard kub métir tebi'iy gaz bérishni pilanlighan.

Nöwette, ottura asiya rayonining xitayning asasliq énérgiye bazisigha aylan'ghanliqi bildürülmekte. Ukra'ina krizisi tüpeylidin rusiyeningmu xitay bilen bolghan énérgiye hemkarliqini ashurushqa we kücheytishke tirishiwatqanliqi melum.

Téxi yeqinda qazaqistan bash ministiri mesimof béyjingni ziyaret qilip, qazaqistan we xitay arisidiki énérgiye, renglik métal sodisini kücheytishke pütüshken idi hem bu nöwet qazaqsitan bilen xitay arisida 30 nechche kélishim imzalan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet