Pétir nawaro: "Xitay dunyagha wirusning uruqlirini tériwetken!"

Muxbirimiz eziz
2020-05-19
Élxet
Pikir
Share
Print

Amérika prézidénti donald trampning soda meslihetchisi pétir nawaro 18-may küni xitaydin tarqalghan tajsiman wirusi heqqide söz qilip, xitay hökümitining wirusni gherezlik halda bashqa jaylargha tarqatqanliqini eyiblidi.

U ABC xewer agéntliqining ziyaritini qobul qilghanda "Tunji bimar 2019-yili noyabirdila bayqalghan. Emma xitay bu uchurni dunyadin ikki ay yoshurdi. Arqidinla minglighan xitay sayahetchilerni ayropilan arqiliq milan, nyu-york qatarliq sheherlerge ewetip wirusning uruqini hemmila yerge tériwetti" dégen.

Nöwette tajsiman wirusining menbesi jiddiy tekshürülüwatqan bolup, bu heqte téxi éniq bir yekün chiqirilmighanidi. Nawaro bu heqte söz qilip bu wirusni emeliyette xitaydiki waqtidila pütünley kontrol qilishqa bolidighanliqini, emma xitay hökümitining dunya sehiye teshkilatini suyi'istémal qilip, gherezlik halda ijra qilghan xata tedbirliri tüpeylidin buning hazir dunyawi wabagha aylinip ketkenlikini, shu sewebtin buninggha pütünley xitay hökümiti jawabkar bolushi lazimliqini bildürgen.

Xitay hökümiti hazirgha qeder wirusqa qarshi turushta "Dunyawi birliksep hasil qilish" heqqide söz qiliwatqan bolsimu, izchil türde tashqi dunyaning wirus ewrishkisi bilen teminlesh heqqidiki telipini ret qilip kelmekte.

Toluq bet