Amérika dölet mejlisi ezaliri: "Eger xitay kompartiyesi korona wirusining menbesi tekshürüshke yol qoymisa, ularni jazalash kérek"

Muxbirimiz jewlan
2021-06-23
Share

Amérika dölet mejliside xitaygha qarshi turushta qattiq qolluqi bilen bilin'gen kéngesh palata ezasi marko robiyo düshenbe küni (21-iyun) mejliske "2021-Yilliq korona wabasi qanun layihesi" sun'ghan bolsa, jumhuriyetchi awam palata ezasi mayk galigér seyshenbe küni (22-iyun) "2021-Yilliq korona wirusining menbesini sürüshtürüsh qanun layihesi" sun'ghan. Bu ikkiylen otturigha qoyghan qanun layiheside körsitilishiche, eger xitay hökümiti musteqil bir xelq'araliq tekshürüsh guruppisining xitaygha bérip, wuxen wirus tetqiqat orni we bashqa tejribixanilirida korona wirusining menbesini tekshürüshige yol qoymisa, xitay hökümiti we xitay alimlirigha jaza yürgüzülidiken.

Marko robiyo öz bayanatida mundaq dégen: "Xitay kompartiyesi korona wirusining menbesini omumyüzlük tekshürüshni xalimaydu. Amérika choqum ularni hemkarlishishqa mejburlishi kérek. Buning üchün qilidighan birinchi ish, amérika hökümitining xitay tetqiqat orunlirigha bériwatqan yardimini üzüsh. Andin biz bu orunlarning rehberlirige jaza yürgüzüshimiz kérek. Amérikining xelq'ara jem'iyetke yétekchilik qilip, wuxen tejribixanisini sehiye qanuni jehettin tekshüridighan waqti keldi".

Ilgiri gerche dunya sehiye teshkilati-xitay birleshme tetqiqat guruppisi bu yilning béshida wuxenni ziyaret qilghan bolsimu, wirusning wuxen tejribixanisidin tarqilip ketkenlikini asasiy jehettin inkar qilghanidi. Eger xitay bu qétim wirusning menbesini tekshürüshke dawamliq tosqunluq qilsa, baydén hökümiti qandaq jaza tedbiri qollinidu? bu téxi éniq emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet