Ши җинпиң билән көрүшкән хоң коң парламент әзаси корона вируси билән юқумланған

Мухбиримиз җәвлан
2022.07.06
Share on WhatsApp
Share on WhatsApp

Хитай рәиси ши җинпиң хоңкоңни қайтурувалғанлиқиниң 25 йиллиқини тәбрикләшкә барғанда, униң билән көрүшкән бир хоңкоң парламент әзаси 2 күндин кейин корона вируси билән юқумланғанлиқини ашкарилиған.

Руйтрес агентлиқиниң хәвәр қилишичә, ху фамилилк бу парламент әзаси 6-айниң 30-күни тәкшүрткәндә мәнфи чиққан вә шу күни ши җинпиң билән көрүшүп, коллектип сүрәткә чүшкән.

Корона вируси хитайға ямриғандин буян ши җинпиң ичкири хитайниң сиртиға қәдәм бесип бақмиған болуп, “юқумни нөлгә чүшүрүш” сиясити йүргүзүп, шаңхәй қатарлиқ шәһәрләрдә бир мунчә хитайниң өлүшигә сәвәб болғаниди.

Ши җинпиң хоңкоңға бериштин бурун йәрлик әмәлдарлар корона вируси юқумдарлирини тәкшүрүш вә улардин қаттиқ мудапийәлиниш тәдбирлирини күчәйткән һәмдә ғайәт чоң көләмдә бихәтәрлик қисимлирини һәрикәтләндүрүп, ши җинпиң өтидиған йол вә һава бошлуқини қаттиқ контрол қилған. Әмма һәр қанчә қилсиму, уни вирустин яки юқумдин пүтүнләй халий қилалмиған.

“бломберг” ториниң 6-июл хәвәр қилишичә, хитайниң әнхуй өлкиси бу һәптидә юқум сәвәбидин қамал қилинидикән. Барлиқ пуқралар өйидин чиқмайдикән, юқум тәкшүрткили чиққан вақиттила сиртқа чиқишқа йол қоюлидикән. Хитайниң қайси шәһири қамал қилиниса, шу йәрниң иқтисади чекинидикән; пуқралири өз өйидики мәһбусларға айлинидикән, һәтта ач қелип өлидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.