Xitaydiki tajisiman wirusi yéngidin yuquri pellige chiqmaqta

Muxbirimiz eziz
2021.11.03

Xitay hökümiti izchil özlirining tajisiman wirusini toluq kontrol qilghanliqini éytip kéliwatqan bolsimu, lékin yéqindin buyan melum boluwatqan uchurlar xitaydiki wirus wehimisining barghanséri örlewatqanliqini körsetmekte iken.

Roytérs agéntliqining 2-noyabirdiki xewiride éytilishiche, xitayda ötken üch aydin buyanqi tajisiman wirusining tarqilish nisbiti eng yuquri pellige yetken bolup, béyjing shehiride kéler hepte chaqirilmaqchi bolghan xitay kompartiyesi merkiziy komitéti siyasiy byorusining yighini üchün bir chong bash aghriqi peyda qilmaqta iken. Xitay hökümiti élan qilghan sanliq melumatta körsitilishiche, 2-noyabirning özide yéngidin 93 yéngi bimar bayqalghan bolup, ötken birnechche aydin buyanqi eng yéngi rékord yaritilghan.

Béyjing shehiridiki herqaysi soda sarayliri, méhmanxanilar we métro béketliride kishilerning témpératurisi ölchinidighan bolup, yerlik da'iriler ahalini imkan qeder bashqa jaylargha sayahetke barmasliqqa, toy-tökün yaki ‍ölüm-yitim dégendek köp adem yighilidighan pa'aliyetlerni kéchiktürüshke dewet qilmaqta iken. Ayrodromlardiki awiyatsiye qatnishining yérimidin köpreki aliqachan emeldin qaldurulghan. Téximu muhimi nöwette bu wirusning xitayning hemmila ölkiside dégüdek toxtimastin bayqilip turushi kéler hepte échilmaqchi bolghan xitay kompartiyesi merkiziy komitétning yépiq yighinida shi jinpingning dawamliq re'is bolushi muqimlishishtek ré'alliqqa oxshashla, her sahe kishilirini wehimige salmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.