Xitay téléwiziye riyasetchisi bi fujyen maw zédungni mesxire qilghini üchün jazalan'ghan

Muxbirimiz qutlan
2015-08-10
Élxet
Pikir
Share
Print

Birleshme agéntliqning xewirige qarighanda, xitay merkiziy téléwiziye istansisining dangliq riyasetchisi bi fujyen bu yil aprélda dostliri bilen ötküzgen bir olturushta maw zédungni mesxire qilghanliqi üchün yéqinda jazalan'ghan.

Melum bolushiche, bi fujyen mezkur olturushta qiziqchiliq bolsun üchün maw zédungni medhiyileydighan bir "Inqilabiy naxsha" tékistige mesxirilik sözlerni qoshup oqughan. Halbuki, olturushtiki melum biri buni widé'ogha élip torgha qoyup bergen.

Uning bu ishi xitay hökümiti teripidin prinsipqa kötürülüp qattiq sürüshtürülgen. U téléwiziyide bu qilmishidin epo sorighan bolsimu, lékin memuriy jazadin qéchip qutulalmighan.

Xitayning "Intizam tekshürüsh géziti" mexsus maqale élan qilip, téléwiziye riyasetchisi bi fujyenni "Siyasiy intizamgha qattiq xilapliq qilghan, maw zédungning obrazini xunükleshtürgen" dep eyibligen.

Közetküchiler, maw zédungning bezi siyasetliri gerche 1980-yillarda tenqidlen'gen bolsimu, lékin uning obrazi xitayda yenila tegkili bolmaydighan ilahliq halitini saqlimaqta, dep körsetmekte.

Toluq bet