Yünnende hökümet xadimlirini görüge éliwélish weqesi yüz bergen

Muxbirimiz shöhret hoshur
2013-10-23
Share

Bügün yünnenning puning nahiyisidiki bir kentte ahalilerning hökümet xadimlirini görüge éliwélish we saqchilar bilen toqunush weqesi yüz bergen.

Xitayche b b s ning bügünki bu heqte bergen xewiride bayan qilinishiche, hökümet weqe chiqqan kentte bir sayahet rayoni berpa qilmaqchi bolghan؛ bu pilan'gha narazi bolghan bir türküm ahalilerge wakaliten erz sunuwatqan kenttiki ikki neper adwokat aldinqi küni saqchilar teripidin tutqun qilin'ghan.

Buninggha narazi bolghan ahalilerdin 200ge yéqin kishi tünügün mezkur kentke xizmet üchün kelgen 10 nechche hökümet xizmetchisini qorshiwélip görüge éliwalghan we tutulghan ikki adwokatni qoyup bérishni telep qilghan. Ahaliler görüge élin'ghanlarni qutquzushqa kelgen saqchilar bilen toqunushqan؛ toqunushta 30 nechche kishi yarilan'ghan we 10 nechche mashina urup chéqiwétilgen.

Ahaliler bügün chüsh mezgilidila görüge élin'ghanlarni qoyup bergen. Oxshash weqe aqsuning ayköl yézisidimu roza héytning harpa küni yüz bergen. Ayköldiki weqede ahaliler xitay saqchilirini qorshawgha élip ikki neper tutqunni qoyup bérishni telep qilghan. Xitay terep 500kishilik bu ammigha qarita oq chiqirip weqeni qanliq shekilde bir terep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet