Xitay emeldarning ayal we balisining étnik kimlikini özgertish saxtipezliki xelq'arada xewer boldi

Muxbirimiz shöhret hoshur
2015.12.24

Bügün roytérs qatarliq xelq'ara axbarat wasitiliri Uyghur rayonining bortala wilayitidiki bir xitay emeldarning ayali we balisining étnik kimlikini özgertkenlikini we buning üchün sotqa tartilghanliqini xewer qildi.

Xewerlerde bildürülüshiche, emeldar go shyangyi eslide parixorluqqa qarshi herikette tekshürüsh obyékti bolghan we tekshürüsh jeryanida, uning döletning az sanliq milletlerge qaratqan bir qisim ewzel imkanliridin paydilinish üchün ayal we balisining étnik kimlikini özgertkenliki pash bolghan.

Melum bolushiche, chet'el axbaratliri bu xewerni merkizi intizam tekshürüsh komitétining parixorluqqa alaqidar bir doklatigha asaslinip tarqatqan, emma doklatta parixor emeldarning özining, ayal we balisining esli milliy kimliki bildürülmigen.

Roytérs agéntliqi parixor emeldarning ismigha asasen uning xitay millitidin ikenlikini ilgiri sürgen we  bortalada az sanliq milletlerdin mongghullarning köplükini eskertish arqiliq mezkur emeldarning ayal we balisining kimlikini mongghulgha özgertkenlik éhtimalliqini isharetligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.