Wukendiki tesir qozghighan namayishning yétekchisi "Parixorluq" bilen eyiblinip qamaqqa élindi

Muxbirimiz irade
2016-09-08
Élxet
Pikir
Share
Print

Firansiye agéntliqining éytishiche, xitayning gu'angdung ölkisige qarashliq wuken yézisida 2011-yili yüz bergen we xelq'araliq tesir qozghighan zor kölemlik namayishqa yétekchilik qilghan lin zulyen "Parixorluq" qilish jinayiti bilen 3 yilliq qamaq jazasigha höküm qilin'ghan.

Shu qétimliq namayishta wuken xelqi namayish qilip, parixor yéza bashliqini qoghlap chiqarghan we tunji qétim saylam arqiliq özining namayish yétekchiliridin biri bolghan lin zulyenni bashliq qilip teyinligen idi. Biraq, da'iriler uni bu yil 6-ayda tutup kétip, qamap qoyghan. Kéyin xitayning dölet téléwiziyesi uning parixorluq gunahini boynigha alghanliqi heqqide sin körünüshi tarqatqan. U téléwiziyede "Men döletning qanunini toluq bilmigenlikim üchün xelqning turmushigha munasiwetlik qurulush pilanliri we kolléktipning ishlirini bahane qilip turup parixorluq qildim" dégen.

Roytérsning éytishiche, bir qisim wukenlikler namayish qilip, uning gunahsizliqini bildürgen. Intérnétta bu heqtiki uchurlarni tarqatqan. Ismini ashkarilashni xalimighan bir wuken ahalisi roytérs muxbirigha da'iriler lin zulyenning adwokat yallishighimu ruxset qilmidi we biz buning dawasini qilimiz" dégen.

72 Yashliq lin zulinning soti bügün gu'angdungning foshen shehiridiki sotta jiddiy bixeterlik tedbirliri astida échilghan, saqchilar bir kilométir ariliqqiche charlash élip barghan iken.

Toluq bet