Әнглийә парламентиниң доклатида, хоңкоңда әркинлик боғушқа учриғанлиқини оттуриға қоюлди

Мухбиримиз әркин
2015-03-06
Share

Әнглийә парламентиниң ташқи ишлар комитети пәйшәнбә күни доклат елан қилип, хоңкоңда әркинликниң боғушқа учриғанлиқини агаһландурди. Доклатта илгири сүрүшичә, әгәр хоңкоңниң башқуруш мәсилиси һәл қилинип, җиддийлик пәсәйтилмисә, бу кризиси кәлтүрүп чиқириши мумкин.

Әнглийә парламенти ташқи ишлар комитетиниң рәиси ричард оттовей: әндишә қозғиған реаллиқ юқири дәриҗилик аптономийиниң боғулғанлиқидур болупму сиясий ислаһат вә ахбарат әркинликиниң боғулғанлиқидур, дегән.

Хитай һөкүмити "бир дөләттә икки хил түзүм" йолға қоюшқа вәқә берип, 1997-йили хоңкоңниң өткүзүвалған. Лекин хоңкоңниң әркин сайлам елип беришиға чәклимә қоюп, өктичиләрниң наразилиқини қозғиған иди.

Әнглийә парламентиниң доклати дәл хитайниң хәлқ қурултийи вә сиясий кеңәш мәмликәтлик йиғини ечиливатқан мәзгилдә елан қилинған.

Җүмә күни, хитай хәлқ қурултийиниң мудири җаң деҗяң гуруппа музакирисидә хоңкоң мустәқиллиқ тәрәпдарлирини агаһландуруп, хоңкоңниң мустәқиллиққа чақириш хәтәрлик һәм йол қоюлмайду, дәп көрсәткән.

Хитай ташқи ишлар министирлиқи болса әнглийәниң хоңкоңға арилишиш һәқиқий йоқлуқини тәкитлигән.

Ташқи ишлар министирлиқи баянатчиси хуа чүнйиң: "хоңкоң җуңгониң ички мәсилиси, әнглийәниң униңға арилишиш һоқуқи йоқ" дегән. Лекин, әнглийә парламентиниң доклати хоңкоң өктичилириниң қарши елишиға еришкән.

Фирансийә агентлиқиниң хәвәр қилишичә, хоңкоң парламент әзаси алберт ху әнглийә парламентиниң доклатини қоллап, "улар әлвәттә раст гәпни қилған" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт