Даниял руссел хитайни хоңкоңлуқларға бәргән вәдисидә турушқа чақирди

Мухбиримиз ирадә
2014-12-04
Share

Америка дөләт ишлири министирлиқиниң шәрқий җәнубий асия ишлириға мәсул муавин министири даниял руссел алдинқи күни қилған сөзидә, америка хоңкоң хәлқиниң демократик сайлам арқилиқ өз валийсини сайлап чиқишини қоллайду, деди.

Даниял руссел чаршәнбә күни америка дөләт мәҗлисидә қилған сөзидә, пүтүн дуняниң һазир хитай һөкүмитиниң хоңкоңдики мәсилини қандақ бир тәрәп қилидиғанлиқини көзитип туруватқанлиқини әскәртип "америка хитай һөкүмитини хоңкоңлуқларниң авазини аңлашқа чақириду. Хитай һөкүмити чоқум хоңкоңни қайтурувалғанда қилған вәдисигә әмәл қилиши керәк" дегән. У, хитай һөкүмитиниң хоңкоңлуқларға намзатларни бәлгиләп бериш арқилиқ аллиқачан өзи қол қойған бәлгилимиләргә хилаплиқ қилғанлиқини әскәрткән.

Русселниң сөзигә бүгүн хитай дәрһал җаваб қайтуруп америкини хитайниң ички ишлириға арилашмаслиққа чақирди. Хитай ташқи ишлар министирлиқиниң баянатчиси хуа чүнйиң русселға қайтурған җавабида, хоңкоңниң җуңгониң земини икәнликини тәкитлигән вә америкини сөздә вә һәрикәттә бир болуп, хоңкоңниң иқтисадий тәрәққиятиға пайдилиқ иш қилишқа чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт