Хитай даирилири еғир ямғур апити һәққидә 3 - дәриҗилик агаһландуруш чиқарди

Мухбиримиз җүмә
2016-07-03
Share


Хитай һаварайи даирилири еғир ямғур апити һәққидики кавачечики рәңлик агаһландурушини шәнбә күни йәнә йеңилиди вә апәтниң кәлгүси 24 саәт ичидә тибәт, гуйҗу, хунән, хубей, әнхуй, йүннән, җяңши вә җяңсу қатарлиқ өлкиләргә тәсир көрситидиғанлиқини билдүрди.

Хитайда җиддий агаһландуруш 4 дәриҗилик йәни 4 хил рәңлик болуп, буларниң әң еғир йәни 4 - дәриҗиси қизи рәң билән ипадилиниду, кавачечики болса 3 - дәриҗилик агаһландуруш болуп һесаблиниду.

Даириләр қаттиқ ямғур апитиниң хитайниң җәнубий вә шәрқий районлириға тәсир көрситидиғанлиқини билдүргән вә бу һәқтә 3 - дәриҗилик агаһландуруш елан қилған иди.

Шаңхәй күндилик гезитиниң хәвәр қилишичә, хубей өлкисидә пәйшәнбә күндин буян яғқан еғир ямғур 6 адәмниң җениға замин болған болған, 15 миңдин артуқ өлтурақ ойни вәйранчилиққа учратқан, биваситә иқтисадий зиян 3 милярд 960 милйон йүәнгә йәткән.

Шинхуа ахбаратиниң хәвиригә қариғанда, даириләр шәнбә күни әнхуй өлкисиниң хәйниң наһийәсидә җиддий тарқақлаштуруш елип барған.

Өткән ай хитайниң җяңсу өлкисидә йүз бәргән қара қуюн апитидә 98 адәм өлгән, 800 әтрапида адәм яриланған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт