Xitay da'iriliri éghir yamghur apiti heqqide 3 - derijilik agahlandurush chiqardi

Muxbirimiz jüme
2016-07-03
Share


Xitay hawarayi da'iriliri éghir yamghur apiti heqqidiki kawachéchiki renglik agahlandurushini shenbe küni yene yéngilidi we apetning kelgüsi 24 sa'et ichide tibet, guyju, xunen, xubéy, enxuy, yünnen, jyangshi we jyangsu qatarliq ölkilerge tesir körsitidighanliqini bildürdi.

Xitayda jiddiy agahlandurush 4 derijilik yeni 4 xil renglik bolup, bularning eng éghir yeni 4 - derijisi qizi reng bilen ipadilinidu, kawachéchiki bolsa 3 - derijilik agahlandurush bolup hésablinidu.

Da'iriler qattiq yamghur apitining xitayning jenubiy we sherqiy rayonlirigha tesir körsitidighanliqini bildürgen we bu heqte 3 - derijilik agahlandurush élan qilghan idi.

Shangxey kündilik gézitining xewer qilishiche, xubéy ölkiside peyshenbe kündin buyan yaghqan éghir yamghur 6 ademning jénigha zamin bolghan bolghan, 15 mingdin artuq ölturaq oyni weyranchiliqqa uchratqan, biwasite iqtisadiy ziyan 3 milyard 960 milyon yüen'ge yetken.

Shinxu'a axbaratining xewirige qarighanda, da'iriler shenbe küni enxuy ölkisining xeyning nahiyeside jiddiy tarqaqlashturush élip barghan.

Ötken ay xitayning jyangsu ölkiside yüz bergen qara quyun apitide 98 adem ölgen, 800 etrapida adem yarilan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet