Русийәликләр 45 хил хитайда ишләнгән янфонға вирус қачиланғанлиқини байқиған

Мухбиримиз үмидвар
2018-04-01
Share

Русийә хәвәрләр агентлиқиниң йезишичә, русийәдики компютер вируслириға қарши программа мутәхәссислири русийәгә киргүзүлгән хитайда ишләпчиқирилған андроид системисидики 45 хил әрзан янфонларға компютер вируслири қачиланғанлиқини байқиған. Бу һәқтә "доктор веб" дәп аталған вирусқа қарши программа ишләпчиқириш ширкитиниң баш директори борис шаров өзлириниң ениқлаш хуласисини елан қилған. Мәзкур "доктор веб" ширкити башлиқиниң қәйт қилишичә, улар хитайда ишлинип, русийәгә киргүзүлгән бу хил әқиллиқ телефонларға мәхсус вируслар орунлаштурулғанлиқини 2017-йилила сәзгән икән. Униң ейтишичә, мәзкур вируслар янфонни ишләткүчиниң шәхсий мәхпий учурлирини ечишта пайдилиниш вә башқа җасуслуқ алаһидиликлиригә игә икән.

Булардин башқа буниңдин илгири русийә мәтбуатлирида хитайда ишлинип, русийәгә киргүзүлгән дәзмал қатарлиқларғиму мәхпий учур игиләш үскүниси орунлаштурулғанлиқиға аит хәвәрләр кәң тарқалған иди. 

Мәлумки, өткән йили русийә һөкүмити хитайниң "вечат", йәни "үндидар" техникиси вә алақә системисини русийәдә ишлитишни чәклигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт