Rusiyelikler 45 xil xitayda ishlen'gen yanfon'gha wirus qachilan'ghanliqini bayqighan

Muxbirimiz ümidwar
2018-04-01
Élxet
Pikir
Share
Print

Rusiye xewerler agéntliqining yézishiche, rusiyediki kompyutér wiruslirigha qarshi programma mutexessisliri rusiyege kirgüzülgen xitayda ishlepchiqirilghan andro'id sistémisidiki 45 xil erzan yanfonlargha kompyutér wirusliri qachilan'ghanliqini bayqighan. Bu heqte "Doktor wéb" dep atalghan wirusqa qarshi programma ishlepchiqirish shirkitining bash diréktori boris sharow özlirining éniqlash xulasisini élan qilghan. Mezkur "Doktor wéb" shirkiti bashliqining qeyt qilishiche, ular xitayda ishlinip, rusiyege kirgüzülgen bu xil eqilliq téléfonlargha mexsus wiruslar orunlashturulghanliqini 2017-yilila sezgen iken. Uning éytishiche, mezkur wiruslar yanfonni ishletküchining shexsiy mexpiy uchurlirini échishta paydilinish we bashqa jasusluq alahidiliklirige ige iken.

Bulardin bashqa buningdin ilgiri rusiye metbu'atlirida xitayda ishlinip, rusiyege kirgüzülgen dezmal qatarliqlarghimu mexpiy uchur igilesh üskünisi orunlashturulghanliqigha a'it xewerler keng tarqalghan idi. 

Melumki, ötken yili rusiye hökümiti xitayning "Wéchat", yeni "Ündidar" téxnikisi we alaqe sistémisini rusiyede ishlitishni chekligen idi.

Toluq bet