Бейҗиңда японға қарши урушниң 70йиллиқини хатириләш мәзгилидики бихәтәрлик тәдбирлири күчәйтилди

Мухбиримиз меһрибан
2015-08-26
Share


Бейҗиң даирилири келәр пәйшәнбә йәни 3-сентәбир өткүзүлидиған японға қарши урушниң 70 йиллиқини хатириләш мурасимида вәқә чиқишниң алдини елиш үчүн , бейҗиңда 8-айниң 23-күнидин 9-айниң 5‏- күнигә қәдәр қаттиқ бихәтәрлик тәдбирлири елинидиғанлиқини елан қилди. Хитайниң һөкүмәт хәвәрлиридин мәлум болушичә, бу мәзгилдә йәнә  интернет алақә торидиму қаттиқ бихәтәрлик тәдбирлири йолға қоюлидиған болуп, 23-авғуст сәһәр саәт 0 дин башлап бейҗиңдики интернет алақә торида "1-дәриҗилик бир туташ башқуруш түзүми йолға қоюлидиғанлиқи, торға йоллинидиған һәрқандақ учур , рәсим,синалғу филимлириниң тор сақчилириниң қаттиқ тәкшүрүшидин өтидиғанлиқи" тәкитләнгән.

25-Авғуст сәйшәнбә күни радиомиз хитай бөлүминиң зияритини қобул қилған бейҗиңлиқ ли ханимниң  билдүрүшичә,  бу һәптә  бейҗиңда қаттиқ бихәтәрлик тәдбирлири йолға қоюлған.  Бейҗиңға сирттин кәлгән әрздарлар,саяһәтчиләр, кочидики рестуранларда тамақ йәйдиғанлар,базар арилап сода-сетиқ қилидиғанлар  азайған. Бейҗиңдики көплигән идарә, орган, ширкәт вә аммиви мулазимәт орунлири хизмәтчиләрни һәптилик дәм елишқа қоюп бәргини үчүн, бейҗиңда турушлуқ аһалиләрниң көпчилики башқа җайларға кәткән.  Бейҗиң кочилирида адәм көрүнәрлик азайған.

Бейҗиң шәһәрлик сақчи даирилири йәнә  бу икки һәптә ичидә  меһманхана,  һор монча қатарлиқ аммиви  мулазимәт  вә  көңүл ечиш сорунлирида 24 саәтлик кимлик тәкшүрүш түзүми йолға қоюлидиғанлиқи , бейҗиң асминида ләгләк, кәптәр қатарлиқларни учурушқа болмайдиғанлиқини алаһидә уқтурған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт