Béyjingda yapon'gha qarshi urushning 70yilliqini xatirilesh mezgilidiki bixeterlik tedbirliri kücheytildi

Muxbirimiz méhriban
2015-08-26
Share


Béyjing da'iriliri kéler peyshenbe yeni 3-séntebir ötküzülidighan yapon'gha qarshi urushning 70 yilliqini xatirilesh murasimida weqe chiqishning aldini élish üchün , béyjingda 8-ayning 23-künidin 9-ayning 5‏- künige qeder qattiq bixeterlik tedbirliri élinidighanliqini élan qildi. Xitayning hökümet xewerliridin melum bolushiche, bu mezgilde yene  intérnét alaqe toridimu qattiq bixeterlik tedbirliri yolgha qoyulidighan bolup, 23-awghust seher sa'et 0 din bashlap béyjingdiki intérnét alaqe torida "1-Derijilik bir tutash bashqurush tüzümi yolgha qoyulidighanliqi, torgha yollinidighan herqandaq uchur , resim,sin'alghu filimlirining tor saqchilirining qattiq tekshürüshidin ötidighanliqi" tekitlen'gen.

25-Awghust seyshenbe küni radi'omiz xitay bölümining ziyaritini qobul qilghan béyjingliq li xanimning  bildürüshiche,  bu hepte  béyjingda qattiq bixeterlik tedbirliri yolgha qoyulghan.  Béyjinggha sirttin kelgen erzdarlar,sayahetchiler, kochidiki résturanlarda tamaq yeydighanlar,bazar arilap soda-sétiq qilidighanlar  azayghan. Béyjingdiki köpligen idare, organ, shirket we ammiwi mulazimet orunliri xizmetchilerni heptilik dem élishqa qoyup bergini üchün, béyjingda turushluq ahalilerning köpchiliki bashqa jaylargha ketken.  Béyjing kochilirida adem körünerlik azayghan.

Béyjing sheherlik saqchi da'iriliri yene  bu ikki hepte ichide  méhmanxana,  hor moncha qatarliq ammiwi  mulazimet  we  köngül échish sorunlirida 24 sa'etlik kimlik tekshürüsh tüzümi yolgha qoyulidighanliqi , béyjing asminida leglek, kepter qatarliqlarni uchurushqa bolmaydighanliqini alahide uqturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet