Японийә тәрәп хитай парахотлириниң японийә деңиз тәвәсигә киргәнликидин нарази болди

Мухбиримиз үмидвар
2013-12-29
Елхәт
Пикир
Share
Принт

29-Декабир күни кәч саәт 2 ләрдә японийә деңиз мудапиә оргиниға тәвә чарлаш парахотлири японийә билән хитай арисидики талаш-тартиш үстидә туруватқан сенкако араллири йениға йеқин японийә деңиз тәвәликигә киргән үч данә хитай парахотини сәзгән.

Б б с агентлиқиниң йезишичә, японийә тәрәп мәзкур үч данә хитай парахотиниң японийә деңиз тәвәликигә киришигә қаттиқ наразилиқ билдүргән болуп, мәзкур наразилиқ японийә ташқи ишлар вәзирликиниң асия ишлири идариси тәрипидин хитайниң токйодики баш әлчиханисиға билдүрүлгән һәмдә мәзкур парахотларниң дәрһал бу җайлардин чиқип кетиши тәләп қилинған. японийә тәрәпниң қаттиқ тәлипи вә агаһландуруши астида бу парахотлар кәлгән йеридин кәткән.

Мәлум болушичә, 26-декабир күни японийә баш вәзири шинзо аби ясукуни уруш қурбанлири қәбристанлиқини тавап қилғандин кейин хитай тәрәп буниңдин қаттиқ нарази болған һәмдә икки дөләт рәһбәрлири арисида җиддий кәйпият шәкилләнгән иди. Хитай абиниң бу қилмишини әйибләшни давамлаштурмақта.

Пикирләр (0)
Share
Толуқ бәт