3-Omumi yighinning échilish künide béyjingda minglarche erzdar namayish ötküzdi

Muxbirimiz shöhret hoshur
2013-11-11
Élxet
Pikir
Share
Print

Xitay kompartiyisi 3-omum yighinning échilish küni bolghan 9-noyabir küni, béyjingning shichéng rayonidiki réwiziye idarisining aldida mingdin artuq erzdar namayish ötküzgen.

Namayishchilar özlirining shexsiy erz-shikayetliri bayan qilin'ghan lewhelerni kötürgendin bashqa yene, "Edliye sistémisi islah qilinsun!", "Chiriklikke xatime bérilsun!" dégendek lozunkilarnimu kötürüshken.

Yultuzluq aral namliq xitayche xewer torining bu heqtiki xewiride bayan qilinishiche, xitay bixeterlik küchliri namayish meydanigha tézdin yétip kélip namayishchilarni tarqitiwetken. Xewerde yene bayan qilinishiche, bir türküm erzdarlar xitay dölet kabinétining erziyet idarisi aldidimu toplinip yuqiriqidek sho'arlarni towlighan.

Melum bolushiche, xitay bu qétimqi yighinning bixeterlik xizmetlirini orunlashturushta tyen'enmén meydanining bixeterlikige adettin tashqiri ehmiyet bergen we küch serp qilghan. Yuqiriqi xewerde tyen'enmén meydanidiki bixeterlik küchliri "Shamal ötmeydighan derijide zich" dep tonushturulghan.

Toluq bet