Michél bachélétning bolghusi xitay ziyariti zor ghulghula qozghidi

Muxbirimiz eziz
2022.03.08

Xitay hökümiti yéqinda birleshken döletler teshkilati (b d t) kishilik hoquq aliy kéngishining re'isi michél baélétning ziyarette bolush telipige qoshulghan.

Roytérs agéntliqining 8-marttiki xewiride éytilishiche, michél bachélétning xitay ziyariti may éyigha orunlashturulghan bolup, bu jeryanda u bashlap barghan ömek Uyghur diyaridimu ziyarette bolidiken. Dunya Uyghur qurultiyi (d u q) bu munasiwet bilen dunyaning herqaysi jayliridiki 200ge yéqin puqrawiy teshkilatlar bilen birlikte kolléktip bayanat élan qilip, michél bachélétke “Sherqiy türkistandiki depsendichlik heqqide teyyarlap chiqqan doklatni tézdin élan qilishinglarni telep qilimiz” dédi.

Kolléktip bayanatta éytilishiche, michél bachélét Uyghurlar heqqidiki bu doklatning 2021-yili dékabir éyida élan qilinidighanliqini éytqan bolsimu, emma ta hazirghiche élan qilinmighan. D u q ning re'isi dolqun eysa bu heqte söz qilip “Michél xanimning xitay ziyariti bekmu ushtumtut élan qilindi. Emma mesile ularning sherqiy türkistanda cheklimisiz ziyaret qilish imkanigha ige bolush yaki bolalmasliqida” dégen.

Melum bolushiche, xitay hökümiti michél bachélétning xitayda, jümlidin Uyghur diyarida tekshürüshte bolush telipini türlük bahaniler bilen ret qilip kelgenidi. Bir qisim chet'el axbarat wasitiliri tekshürüsh we ékiskursiyede bolghan “Terbiyelesh merkizi” ning emeliyette aldin teyyarlan'ghan orunlar ikenlikimu bashqa uchurlardin melum bolghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.