Тед круз: “хитай қамақханилирида һелиһәм коммунизмниң зулумини чекиватқанлар бар”

Мухбиримиз шөһрәт һошур
2017.11.29

Америка дөләт мәҗлисиниң әзаси, җумһурийәтчиләр партийәсиниң сабиқ президент намзати тед круз йеқинда қатнашқан “коммунизм қурбанлирини хатириләш йиғи” нида өткән әсирдә инсанийәткә ғайәт зор балайиапәт елип кәлгән коммунизмниң һелиһәм зиянкәшликини давам қиливатқанлиқини баян қилди.

Америка дөләт мәҗилисидә 3 күн давам қилған мәзкур йиғинда тед круз комунизмниң һазирға қәдәр 100 милйон инсанниң җениға замин болғанлиқини тилға елиш билән бирликтә, нөвәттә дуняда һәр 5 кишидин бириниң коммунист реҗиминиң зораванлиқи астида яшаватқанлиқини тәкитлиди.

Хитайчә “бүйүк ера” гезиниң бу һәқтики хәвиридә баян қилинишичә, тед круз сөзидә өтмүштики коммунизм паҗиәлири қатарида лениннинң қизил терорини, сталинниң чоң тазилаш һәрикитини вә мав зедоңниң “мәдәнийәт зор инқилаби” ни әсләп өткән. Шуниң билән бирликтә нөвәттә коммунизм паҗиәси давам қиливатқан дөләтләр қатарида шималий корейәниң әмгәк билән өзгәртиш мәйданлири, кубаниң түрмилири вә хитайниң тутуп туруш мәркәзлирини тилға алған.

Америка һөкүмити йеқинда 7‏-ноябир күнини “мәмликәтлик коммунизм қурбанлирини хатириләш күни” қилип бекиткән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.