Хитай бир қисим аталғуларни мәтбуатларда ишлитишни чәклиди

Мухбиримиз үмидвар
2017-07-23
Елхәт
Пикир
Share
Принт

Йеқинда хитайниң шинхуа агентлиқи мәхсус уқтуруш тарқитип, хитай һөкүмәт ахбарат васитилиридә «тәйвән президенти», «җуңхуа минго», «хитай-хоңкоң», «хитай-авмен» дегәндәк бир йүрүш аталғуларни ишләтмәсликни бәлгилигән.

Америка авазиниң бу һәқтики хәвиридин мәлум болушичә, хитай мәркизи һөкүмитиниң орган мәтбуати һесаблинидиған шинхуа агентлиқиниң мәзкур «аталғулар чәклимиси» вә «сөз ишлитиштә еһтиятчан болуш» қарари бойичә алғанда, тәйвәнгә нисбәтән «җуңхуа минго» вә «тәйвән президенти» дегән аталғуларни ишләтмәслик, буниң орниға «тәйвән» вә «тәйвән райони рәһбири» дегән аталғуларни қоллиниш, тәйвәнниң дуня сода тәшкилати қатарлиқ хәлқаралиқ тәшкилаттики әзалиқини атиғанда, «әза дөләт» аталғусини әмәс, бәлки «әзаси» дегән аталғуни қоллиниши бекитилгән.

Хитайниң «җуңхуа минго» вә «тәйвән президенти» аталғулирини ишләтмәслик мәсилисидә тәйвән тәрәп өз тәнқидий мәйданини билдүргән болуп, тәйвән тәрәп хитайдин «җуңхуа минго» ниң мәвҗутлуқидин ибарәт пакитни етирап қилишни тәләп қилған.

Тарихи нуқтидин қариғанда, җаң кәйши рәһбәрликидики җуңхуа минго, йәни хитай җумһурийити һөкүмити ички урушта мәғлуп болуп, 1949-йили тәйвән арилиға көчүп берип өз һакимийитини давамлаштурувәргән. Җуңхуа минго һөкүмити таки 1971-йилиғичә б д т ниң әзаси болуп, шу йили униң орнини хитай хәлқ җумһурийити игилигән иди. Тәйвән һөкүмити таки һазирғичә өзини йәнила рәсмий шәкилдә «җуңхуа минго», йәни «хитай җумһурийити» дәп атимақта. 

Хитай өз мәтбуатлирида бурундин тартип бир йүрүш сәзгүр аталғуларни чәкләп келиватқан болуп, булар уйғурлар, тибәтләр вә моңғулларниң миллий-сиясий һәрикәтлири билән мунасивәтликтур.

Пикирләр (0)
Share
Толуқ бәт