Erkinlik öyi xitayda 100 milyon insanning diniy étiqadi seweblik zulum chékiwatqanliqini élan qildi

Muxbirimiz shöhret hoshur
2017-03-14
Share

Merkizi amérikida bolghan xelq'ara erkinlik öyi teshkilatining yéqinda élan qilghan doklatida xitayda 100 milyon kishining diniy étiqadi seweblik zulum chékiwatqanliqi bildürülgen.

Xristi'an pochtisi torining bügünki bu heqtiki xewiride bayan qilinishiche, mezkur doklatta, Uyghur musulmanliri, tibet buddistliri we falun'gung muritliridin bashqa xristi'anlar, katolikler qatarliq yene köpligen diniy guruppilarningmu oxshimighan derijide zulumgha uchrawatqanliqi bayan qilin'ghan. Doklatta, zulumgha roman katoliklarning yénik derijide, protéstan xristi'anlarning éghir derijide, Uyghur, tibet we falun'gung ezalirining intayin éghir derijide uchrawatqanliqi körsitilgen. Xristi'an pochtisining mezkur xewiride yene, Uyghurlardin bir déhqanning étizda namaz oqughanliqi üchünla 9 yilliq késilgenlikini doklattin neqil alghan.

Melum bolushiche, erkinlik öyi mezkur doklatida, xitaydiki étiqadchi ammining türlük cheklimilerge qarshiliq körsitip diniy étiqadini qoghdashqa mejbur bolghanliqi eskertilgen we bu xil qarshiliqlarning bezi jehetlerdin roli bolghanliqi, xitaydiki siyasiy we ijtima'iy hayatqa tesir körsetkenliki tilgha élin'ghan. Doklattin yene melum bolushiche, xitay Uyghur rayonida islam dinini sotsiyalizmgha maslashturushqa chaqirghinigha oxshash, tibettimu budda nomlirini xitayning dölet menpe'etige uyghun shekilde qaytidin terjime qildurghan we tibetlerni yéngisini öginishke mejburlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.