Xitay 2014-yilidimu tor erkinliki eng nachar döletler qataridin orun aldi

Xitay tor erkinliki eng nachar döletler qataridin orun aldi. Erkinlik sariyi peyshenbe küni élan qilghan 2014-yilliq tor erkinliki doklatida xitay tor erkinliki eng nachar döletler qatarigha kirgüzüldi.

Doklatning xitaygha a'it qismida, shi jinpingning intérnét torini idé'ologiye kürishi qilidighan nishan'gha aylandurush bilen birge, intérnét bixeterlikini bashquridighan organning bashliqi bolush arqiliq biwasite halda intérnét erkinlikige qol tiqiwatqanliqi tilgha élin'ghan.

Uningda yene, xitay hökümitining weqe chiqqan mezgillerde Uyghur élida tor-uchur alaqisini pütünley késiwetkenliki we Uyghur ziyaliysi ilham toxtining tor bétidiki pa'aliyetliri üchün jazagha höküm qilghanliqi bayan qilin'ghan.

Erkinlik sariyining 2014-yilliq doklatida éytilishiche, xitayning intérnét erkinliki yildin-yilgha keynige chékiniwatqan bolup, u iran, iti'opiye, süriye, se'udi erebistan, wiyétnam we özbékistan qatarliq 9 dölet bilen oxshash orun'gha tizilghan.

Amérika, kanada, awstraliye, yaponiye, islandiye, gérmaniye, istoniye, firansiye we italiye qatarliq 9 dölet bolsa intérnét eng erkin döletler bolup bahalan'ghan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar