Wilyam yang: "Xitay hökümiti islam dinini 'islah' qilmaqchimu?"

2019-05-21
Élxet
Pikir
Share
Print

Xitay hökümiti köp qétimlap tekitlewatqan "Dinni xitay medeniyiti we jem'iyiti bilen maslashturush" chaqiriqining köp tereplime tenqidke duch kéliwatqanliqi melum.

"Gérmaniye dolqunliri" ning muxbiri wilyam yang bu munasiwet bilen xitay hökümitining "Islam dinini xitaychilashturush" herikitining qandaq meqsetni közlewatqanliqi heqqide bir qisim shexslerni ziyaret qilghan.

Xitay hökümitining diniy ishlargha mes'ul emeldarliridin biri bu heqte söz qilip islam dinini xitaychilashturushni: "Musulmanlarning siyasiy mewqesini kompartiye bilen birdeklikke ige qilishi üchün bekmu muhim ehmiyetke ige" dégen.

Emma oklaxoma uniwérsitétining proféssori déywid stra'op xitay hökümitining mushu arqiliq islamiy guruhlarni idare qilishqa urunuwatqanliqini, yene bir yaqtin islam dinidiki ereblerge xas alametlerni yoq qilishning yene bir nishan ikenlikini bildürgen. U buninggha misal qatarida erebche uslubtiki belgilerning we meschitlerning chéqilishini misal qilghan.

Frostburg uniwérsitétining proféssori ma xeyyün buni mahiyette xitay hökümitining xitayche shekil almighanliki shey'ilerni chetke qéqish pisxiki'isining yene bir qétim esheddiy tüs alghanliqi, dep qaraydighanliqini bildürgen. Uning pikriche xitay hökümiti mushu arqiliq ati'izimning yétekchilikidiki xitayche shekilge ige islam dinini yaritishqa urunmaqta iken. U bu heqte söz qilip: "Xitay mushu arqiliq xitaydiki musulmanlarning bashqa musulman elliri bilen bolghan alaqisini késip tashlimaqchi. Mundaqche éytqanda xitay mushu usul arqiliq musulmanlar jama'itini dunyawi ortaq gewdidin ayrip tashlimaqchi" dégen.

Toluq bet