Xitayda ikki künde arqa-arqidin éghir kan weqesi yüz berdi

Muxbirimiz irade
2014-11-27
Share

Xitayda ikki künde arqa-arqidin kan örülüsh weqesi yüz berdi. Peyshenbe küni etigende guyju ölkisidiki bir kanda partlash yüz bérip, 11 adem hayatidin ayrildi.

Birleshme agéntliqining xewer qilishiche, partlash yüz bergende kanda 19 adem ishlewatqan bolup, 8 neper aman qalghuchining salametlik ehwali téxi éniq emes.

Xitayning lyawning ölkiside téxi bir kün awwalla kan örülüsh weqesi yüz bérip, 26 adem qaza qilghan idi. Omumiy yaridarlarning sani 50 neper bolup, buning ichide 30 nepirining yarisi éghir iken. Ularning hemmisi köyüp yarilan'ghan bolup, bezilirining hayati téxiche xewp astida iken.

Xitay hökümiti kömür kanlarning bixeterlikini ashurush üchün bir qatar tedbirlerni alghan bolsimu, ejellik weqelerning yüz bérishi dawam qilmaqta. Birleshme agéntliqining éytishiche, xitayda 2013- yili bir yilning ichidila 604 qétim kan weqesi yüz bérip, 1000 din oshuq kishi hayatidin ayrilghan. Bu 10 yilning aldidiki 6000 neperdin körünerlik töwenligen bolup hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.