Хитайда икки күндә арқа-арқидин еғир кан вәқәси йүз бәрди

Мухбиримиз ирадә
2014-11-27
Share

Хитайда икки күндә арқа-арқидин кан өрүлүш вәқәси йүз бәрди. Пәйшәнбә күни әтигәндә гуйҗу өлкисидики бир канда партлаш йүз берип, 11 адәм һаятидин айрилди.

Бирләшмә агентлиқиниң хәвәр қилишичә, партлаш йүз бәргәндә канда 19 адәм ишләватқан болуп, 8 нәпәр аман қалғучиниң саламәтлик әһвали техи ениқ әмәс.

Хитайниң лявниң өлкисидә техи бир күн аввалла кан өрүлүш вәқәси йүз берип, 26 адәм қаза қилған иди. Омумий яридарларниң сани 50 нәпәр болуп, буниң ичидә 30 нәпириниң яриси еғир икән. Уларниң һәммиси көйүп яриланған болуп, бәзилириниң һаяти техичә хәвп астида икән.

Хитай һөкүмити көмүр канларниң бихәтәрликини ашуруш үчүн бир қатар тәдбирләрни алған болсиму, әҗәллик вәқәләрниң йүз бериши давам қилмақта. Бирләшмә агентлиқиниң ейтишичә, хитайда 2013- йили бир йилниң ичидила 604 қетим кан вәқәси йүз берип, 1000 дин ошуқ киши һаятидин айрилған. Бу 10 йилниң алдидики 6000 нәпәрдин көрүнәрлик төвәнлигән болуп һесаблинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.