Xitay kishilik hoquq teshkilati xitayning "Rohiy saghlamliq we kishilik hoquq doklati" élan qildi

Muxbirimiz erkin
2017-01-27
Élxet
Pikir
Share
Print

Xitaydiki "Xelq turmushi we közitish"namliq kishilik hoquq teshkilati 26‏-yanwar torida "Xitayning rohiy saghlamliq we kishilik hoquq" yilliq doklatini élan qildi. Doklatta körsitishiche, 2016‏-yili xitayda kishilik hoquq we qanun bilen bashqurush ehwali dawamliq nacharlashqan.

Doklatta yene, xitay hökümitining "Rohiy késel" deydighan ataqni erzdar we öktichilerni kontrol qilish üchün téximu keng qolliniwatqanliqini tekitligen. Doklatta qeyt qilishiche, xitay hökümiti rohiy késeller doxturxanilirini öktichilerni kontrol qilidighan bir sorun'gha aylanduruwélip, shu arqiliq buni "Qanunsiz tutqun qildi" dégen ataqqa qalmasliq üchün qollinip kelgen.

Doklatta yene, mustebitlik we qanun'gha sel qarash xitayda rohiy késellikning dawamliq yamrap kétishidiki eng tüp seweb, déyilgen. Doklatta qeyt qilishiche, xitaydiki barliq rohiy késeller doxturxaniliri xitay hökümitining puligha tayan'ghachqa, eng axirida yenila xitay muqimliq organlirining iskenjiside qélish aqiwitige uchraydiken.

Doklatning axirida, bu "Rohiy késellik ehwali"gha üzül-késil xatime bérishning yoli- mustebitlikni asasiy qanunluq démokratiye tüzümige özgertip, xelq'ara ijtima'iy adalet ölchimige emel qilish, dep tekitligen.

Toluq bet