Amérikining bu yilliq kishilik hoquq doklati xitayning yerlik torlirida élan qilindi

Muxbirimiz shöhret hoshur
2018-05-30
Élxet
Pikir
Share
Print

Béyjingdiki amérika elchixanisi amérikining bu yilliq kishilik hoquq doklatini xitaydiki eng chong ammiwi torlarning biri bolghan shinlang torida élan qildi.

Yillardin béri xitay oqurmenliri bu xil doklatlarni torda tamdin atlash tedbiri bilen körüp kéliwatqan bolup, bu qétim tamdin atlashni bilmeydighan oqurmanlerningmu mezkur doklatni körüshige imkaniyet tughulghan. Bu yil 4‏-ayda élan qilin'ghan mezkur doklatta xitaydiki kishilik hoquq mesililirige keng orun bérilgechke, xitay da'iriliri eyni chaghda bu doklatqa qarita naraziliqini bildürgen we amérika terepni xitayning ichki ishlirigha arilishish, tereqqiyatigha tosqunluq qilish bilen eyibligen idi.

Amérika elchixanisining shinlang toridiki bilogida 29‏-may küni xitayche élan qilin'ghan bu doklat bir kün ichide bir ming nechche yüz qétim ulap bésilghan we 800 nechche kishi inkas yazghan. Inkaschilardin biri "Amérika hökümiti xitaydiki ishlarni xitay puqraliridinmu yaxshi bilidiken" dep yazghan.

Bügün radiyomiz xitayche bölümining éniqlishiche, mezkur doklatning xitaydiki yerlik tor betlerde élan qilinishi xitay da'irilirini inkas qayturushta epsiz ehwalgha chüshürüp qoyghan. Radiyomizgha bu heqte pikir qilghan gu'angdongdiki bir kishilik hoquq pa'aliyetchisi nöwette xitay terep bu doklatni öchürgüziwetse buning bir ajizliqning ipadisi bolup qalidighanliqi, emma öchürmise mezkur doklatni téximu köp kishining körüp xitay da'irilirining epti-beshirisi ashkara bolidighanliqini ilgiri sürgen.

Toluq bet