Америка вә хәлқара кишилик һоқуқ тәшкилатлири хитайни «тйәнәнмен вәқәси» ниң һәқиқи әһвлини ашкарлашқа чақирди

Мухбиримиз әркин
2018-06-04
Елхәт
Пикир
Share
Принт

Америка дөләт ишлири министири майк пампео 4‏-июн баянат елан қилип, хитай һөкүмитини 1989‏-йили тйәнәнмен мәйданида өлтүрүлгән, тутқун қилинған яки из дерәксиз ғайип болған оқуғучиларниң санини толуқ ашкарлашқа чақирди.

Хитай һөкүмити 1989‏-йили 4‏-июн күни танка, бронивикларни ишқа селип тйәнәнмин мәйданини игилләп ятқан оқуғучиларни бастурған. Хитай даирилири һазирға қәдәр шу қетимқи бастурушта зади қанчилик оқуғучиниң өлтүрүлгәнликини һечқачан елан қилип бақмиған. Кишилик һоқуқ тәшкилатлири шу қетимлиқ бастурушта бир қанчә йүздин бир қанчә миңғичә адәмниң өлтүрүлгәнликини пәрәз қилип кәлмәктә. Майк пампео мәзкур вәқәниң 29 йиллиқ хатирә күни мунасивети билән елан қилған баянатида «4‏-июнниң роһий техи арам тапмиғанлиқи» әскәртип, «биз хәлқара җәмийәт билән бирликтә хитай һөкүмити тәрипидин өлтүрүлгән, тутқун қилинған яки ғайип қиливетилгәнләрниң толуқ саниниң ашкарилинишини чақиримиз,» дәп тәкитлигән.

Дүшәнбә күни йәнә америка дөләт мәҗлисиниң хитай ишлири комитети, хәлқара кишилик һоқуқни көзитиш тәшкилати, дуня уйғур қурултийи қатарлиқ орган вә тәшкилатлар баянат елан қилип, мәзкур вәқәни хатирлиди. Америка дөләт мәҗлиси хитай ишлири комитетиниң баянатида «тйәнәнмен қирғинчилиқиниң хатириси бизгә инсанниң негизлик иззәт-һөрмити вә түп кишилик һоқуқиқа болған арзу-истәклириниң район вә дөләт билән чәкләнмәйдиғанлиқини хатирлитиду,» дейилгән. Дуня уйғур қурултийиниң баянатида намайишчиларни, болупму демократийә, кишилик һоқуқ үчүн һаятидин айрилғанларни хатирләйдиғанлиқини билдүрүп, «уйғурлар, тибәтләр, җәнубий моңғолйәликләр вә нурғун хитайларниң һазирға қәдәр бу нишан үчүн күрәш қилип келиватқанлиқи» ни тәкитлигән.

Пикирләр (0)
Share
Толуқ бәт