Kishilik hoquqni közitish teshkilati firansiye tashqi ishlar ministirining xitayda kishilik hoquqni tekitlishini telep qildi

Muxbirimiz erkin
2017-11-23
Élxet
Pikir
Share
Print

Kishilik hoquqni közitish teshkilati peyshenbe küni firansiye tashqi ishla rministiri jén yéwés lé-dri'an'gha ochuq xet yézip, uning 24‏-noyabir bashlinidighan xitay ziyaritide kishilik hoquqni otturigha qoyushini telep qilghan.

Kishilik hoquqni közitish teshkilati lé-dri'an'gha yollighan xétide mezkur organning firansiye shöbisining mes'uli bénédékt jénérodning sözini neqil keltürüp, "Firansiye prézidénti émanu'él makron xitay bilen bolghan diplomatik, iqtisadiy munasiwetliride kishilik hoquqni tekitleydighanliqini ashkara eskertip keldi. Ministir lé-dri'anning ziyariti xitay rehberlirining barghanséri éghirlishiwatqan kishilik hoquq depsendichilikige ashkara xitab qilishning muhim pursiti," déyilgen.

Ochuq xette, lé-dri'anning siyasiy mehbuslarni qoyup bérishni, xitayning b d t, xelq'ara saqchi orgini qatarliq xelq'ara organlargha buzghunchiliq qilishigha bolghan endishisini otturigha qoyushi, ikki terep qanun organlirining öz ara hemkarliqini közdin kechürüshni élan qilishini telep qilghan. Ochuq xette bénédékt jénérod yene : "Firansiye uzundin buyan dunyada kishilik hoquq we erkinlikning qoghdighuchisi bolup keldi. Biraq lé-dri'anning ziyariti firansiyening kishilik hoquq wedisi nuqtisidin perqliq pikirlergeqarshi bolghan xitay rehberlirining aldida bir sinaqtur," dégen.

Lé-dri'anning xitay ziyariti 27-noyabirghiche dawamlishidu. U bu mezgilde xitay tashqi ishla rministiri wang yi, dölet ishliri komissari yang jyéchilar bilen körüshidu we shundaqla xitay mu'awin bash ministiri lyu yendong bilen "Fransiye-xitay yuqiri'i derijilikler méxanizmi di'alogi" élip bari'idu. Bu lé-dri'anning firansiye tashqi ishlar ministiri wezipisige olturghandin béri xitaygha qilghan tunji ziyariti bolup hésablinidu.

Toluq bet