خىتايدا بىر تۇتاش قوللىنىلىدىغان تولۇق ئوتتۇرا مەكتەپ تىل-ئەدەبىيات دەرسلىكىدە خىتاي كلاسسىك ئەسەرلىرى يېرىم نىسبەتنى ئىگىلىگەن

مۇخبىرىمىز سادا
2019-08-28
ئېلخەت
پىكىر
Share
پرىنت

خىتايدىكى ئادەتتىكى تولۇق ئوتتۇرا مەكتەپلەرنىڭ بىر تۇتاش قوللىنىلىدىغان تىل-ئەدەبىيات دەرسلىكىدىكى خىتاي ئەنئەنىۋى مەدەنىيىتىنى ئەكس ئەتتۈرىدىغان كلاسسىك ئەسەرلەرنىڭ نىسبىتى دەرسلىك مەزمۇنىنىڭ %50 گە يېقىنلاشقان.

«خىتاي خەۋەرلىرى» تورىنىڭ 27-ئاۋغۇستتىكى خەۋىرىدە خىتايدىكى تولۇق ئوتتۇرا مەكتەپلەرنىڭ بىر تۇتاش قوللىنىلىدىغان تىل-ئەدەبىيات دەرسلىك كىتابىغا ئۆزگەرتىش كىرگۈزۈلۈشىدە دەرسلىك مەزمۇنىنىڭ «كۆپ خىللىق» بولۇشى كۆزدە تۇتۇلغانلىقى بايان قىلىنغان. مەزكۇر خىزمەتنىڭ نەتىجىسىدە تىل-ئەدەبىيات دەرسلىكىگە خىتاي كلاسسىك ئەسەرلىرىدىن جەمئىي 67 پارچە كىرگۈزۈلۈپ، دەرسلىك مەزمۇنىنىڭ %49.3 نى ئىگىلىگەن. بۇنىڭ ئىچىدە خىتاي قەدىمكى زامان كلاسسىك شېئىرلىرى 33 پارچە، نەسرلەر 34 پارچە ئىكەن. 

خىتاي ھۆكۈمىتىنىڭ ئۇيغۇرلارنىڭ مىللىي كىملىكى، مەدەنىيىتى ۋە تارىخىنى نىشان قىلغان زىيانكەشلىك ھەرىكەتلىرى نەتىجىسىدە كۆپلىگەن ئۇيغۇر زىيالىيلىرى بۇ ھەرىكەتنىڭ قۇربانلىرىغا ئايلانغانلىقى مەلۇم بولماقتا. ئۇيغۇرلار ئارىسىدىكى تونۇلغان ئوبزورچى يالقۇن روزىنىڭ «تەتۈر تەشۋىقات تارقاتقۇچى» دېگەن نامدا تۇتقۇن قىلىنىپ، 15 يىللىق قاماق جازاسىغا ھۆكۈم قىلىنىشى بۇنىڭ تىپىك مىساللىرىنىڭ بىرىدۇر. ئەمدىلىكتە خىتاي ھۆكۈمىتىنىڭ تولۇق ئوتتۇرا مەكتەپلەر ئۈچۈن بىر تۇتاش تۈزۈلگەن دەرسلىكلىرىدە پۈتۈنلەي خىتاي مەدەنىيىتىنى ئەكس ئەتتۈرىدىغان مەزمۇنلارنىڭ كۆپ سالماقنى ئىگىلىشى كىشىلىك ھوقۇق پائالىيەتچىلىرى ئارىسىدا غۇلغۇلا قوزغىماقتا. 

چەتئەلدىكى ۋەزىيەت ئانالىزچىلىرى بۇ ھەقتە ئانالىز يۈرگۈزۈپ، بۇ خىتاي ھۆكۈمىتىنىڭ ئۆزىدىن باشقا مىللەتلەرنىڭ مەدەنىيىتى ۋە تىلىنى پۈتۈنلەي يوق قىلىش ئۇرۇنۇشىنىڭ بىر ئىپادىسىدۇر، دېيىشمەكتە.

پىكىرلەر (0)
Share
تولۇق بەت