Хитайда бир туташ қоллинилидиған толуқ оттура мәктәп тил-әдәбият дәрсликидә хитай классик әсәрлири йерим нисбәтни игилигән

Мухбиримиз сада
2019-08-28
Елхәт
Пикир
Share
Принт

Хитайдики адәттики толуқ оттура мәктәпләрниң бир туташ қоллинилидиған тил-әдәбият дәрсликидики хитай әнәниви мәдәнийитини әкс әттүридиған классик әсәрләрниң нисбити дәрслик мәзмуниниң %50 гә йеқинлашқан.

«Хитай хәвәрлири» ториниң 27-авғусттики хәвиридә хитайдики толуқ оттура мәктәпләрниң бир туташ қоллинилидиған тил-әдәбият дәрслик китабиға өзгәртиш киргүзүлүшидә дәрслик мәзмуниниң «көп хиллиқ» болуши көздә тутулғанлиқи баян қилинған. Мәзкур хизмәтниң нәтиҗисидә тил-әдәбият дәрсликигә хитай классик әсәрлиридин җәмий 67 парчә киргүзүлүп, дәрслик мәзмуниниң %49.3 Ни игилигән. Буниң ичидә хитай қәдимки заман классик шеирлири 33 парчә, нәсрләр 34 парчә икән. 

Хитай һөкүмитиниң уйғурларниң миллий кимлики, мәдәнийити вә тарихини нишан қилған зиянкәшлик һәрикәтлири нәтиҗисидә көплигән уйғур зиялийлири бу һәрикәтниң қурбанлириға айланғанлиқи мәлум болмақта. Уйғурлар арисидики тонулған обзорчи ялқун розиниң «тәтүр тәшвиқат тарқатқучи» дегән намда тутқун қилинип, 15 йиллиқ қамақ җазасиға һөкүм қилиниши буниң типик мисаллириниң биридур. Әмдиликтә хитай һөкүмитиниң толуқ оттура мәктәпләр үчүн бир туташ түзүлгән дәрсликлиридә пүтүнләй хитай мәдәнийитини әкс әттүридиған мәзмунларниң көп салмақни игилиши кишилик һоқуқ паалийәтчилири арисида ғулғула қозғимақта. 

Чәтәлдики вәзийәт анализчилири бу һәқтә анализ йүргүзүп, бу хитай һөкүмитиниң өзидин башқа милләтләрниң мәдәнийити вә тилини пүтүнләй йоқ қилиш урунушиниң бир ипадисидур, дейишмәктә.

Пикирләр (0)
Share
Толуқ бәт