Xitayda bir tutash qollinilidighan toluq ottura mektep til-edebiyat derslikide xitay klassik eserliri yérim nisbetni igiligen

Muxbirimiz sada
2019-08-28
Élxet
Pikir
Share
Print

Xitaydiki adettiki toluq ottura mekteplerning bir tutash qollinilidighan til-edebiyat derslikidiki xitay en'eniwi medeniyitini eks ettüridighan klassik eserlerning nisbiti derslik mezmunining %50 ge yéqinlashqan.

"Xitay xewerliri" torining 27-awghusttiki xewiride xitaydiki toluq ottura mekteplerning bir tutash qollinilidighan til-edebiyat derslik kitabigha özgertish kirgüzülüshide derslik mezmunining "Köp xilliq" bolushi közde tutulghanliqi bayan qilin'ghan. Mezkur xizmetning netijiside til-edebiyat derslikige xitay klassik eserliridin jem'iy 67 parche kirgüzülüp, derslik mezmunining %49.3 Ni igiligen. Buning ichide xitay qedimki zaman klassik shé'irliri 33 parche, nesrler 34 parche iken. 

Xitay hökümitining Uyghurlarning milliy kimliki, medeniyiti we tarixini nishan qilghan ziyankeshlik heriketliri netijiside köpligen Uyghur ziyaliyliri bu heriketning qurbanlirigha aylan'ghanliqi melum bolmaqta. Uyghurlar arisidiki tonulghan obzorchi yalqun rozining "Tetür teshwiqat tarqatquchi" dégen namda tutqun qilinip, 15 yilliq qamaq jazasigha höküm qilinishi buning tipik misallirining biridur. Emdilikte xitay hökümitining toluq ottura mektepler üchün bir tutash tüzülgen derslikliride pütünley xitay medeniyitini eks ettüridighan mezmunlarning köp salmaqni igilishi kishilik hoquq pa'aliyetchiliri arisida ghulghula qozghimaqta. 

Chet'eldiki weziyet analizchiliri bu heqte analiz yürgüzüp, bu xitay hökümitining özidin bashqa milletlerning medeniyiti we tilini pütünley yoq qilish urunushining bir ipadisidur, déyishmekte.

Toluq bet