Xitay da'iriliri muhit bulghinishini tosush üchün 700 din oshuq kishini tutqun qilghan

Muxbirimiz irade
2017.01.12
Share on WhatsApp
Share on WhatsApp

Roytérs agéntliqining xewer qilishiche, xitayning shinxu'a agéntliqi bügün tarqatqan xewiride xitayda 2016- yili ichide muhitni bulghighanliqi üchün 720 kishini qolgha alghanliqini, peqet béyjing shehirining özidila 22 milyon somgha yéqin jerimane qoyulghanliqini bildürgen.

Xewerde yene, béyjing da'irilirining 97 milyard somgha yaraydighan 11 ish qurulushini muhitqa körsitidighan tesirini oyliship qaldurup qoyghanliqi, 10 mingdin oshuq aptomobilning heddidin ziyade gaz qoyup bergenliki üchün jazalan'ghanliqi xewer qilin'ghan.

Xitaydiki éghir muhit bulghinishi pütün dunyaning diqqitini qozghawatqan bir mesile. Xitay hökümiti 3 yilning aldida dunyagha muhit bulghinishi bilen küresh qilidighanliqi heqqide wede bergen idi. Biraq, élin'ghan tedbirler xelq'ara organlar teripidin yéterlik we ünümlük emes, dep qaralmaqta. Amérikidiki “Yer shariwi tehditlerni bayqash” tetqiqat orgini aldinqi hepte élan qilghan bir maqaliside, xitaydiki muhit bulghinishi we netijide kep chiqqan chöllishishning döletning ékologiyisi, iqtisadiy we siyasiy muqimliqigha zor tehdit peyda qiliwatqanliqini bildürgen we buninggha seweb bolghan muhim amillarni xitay hökümitining ilgiri yolgha qoyghan xata siyasetliri we chiriklik dep körsetken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.