Хитайниң шималидики өлкә, шәһәрләрдә һава булғиниш дәриҗиси хәтәрлик һалда өрлигән

Мухбиримиз ирадә
2015-12-23
Share

Хитай миқяси бойичә йәнә 50 кә йеқин шәһәрдә һавадики еғир булғиниш түпәйли агаһландуруш чиқирилған. "җәнубий хитай сәһәр гезити" ниң хәвәр қилишичә, өткән җүмә күнидин етибарән бейҗиң вә униң әтрапидики өлкә, шәһәрләрдики һава булғиниш дәриҗиси йәнә хәтәрлик һалда юқирилап кәткән. Буниң билән бейҗиң шәһири қайтидин қизил рәңлик агаһландуруш чиқарған. Хебий өлкисиму сәйшәнбә күни тунҗи қетимлиқ қизил рәңлик агаһландуруш елан қилған.

Хәвәрдә ейтилишичә, бейҗиң шәһириниң һава булғиниши сәйшәнбә күни алаһидә юқири болған болуп, һәрбир кубметирдики зәһәрлик зәрричә миқдари 596 микрограмға йәткән. Бу дуня сәһийә тәшкилати бекиткән һава булғиниш өлчимидин 22 һәссә юқири икән.

Шинхуа агентлиқи бу һәқтики хәвиридә ли йүнтиң исимлик муһит мутәхәссисиниң ейтқанлиридин нәқил елип "бу еғир ис-түтәкниң сәвәбини һавадики нәмликниң юқири вә температуриниң иллиқ болушиға мунасивәтлик" дәп көрсәткән.

Дәрвәқә, һава булғиниши хитайдики әң еғир мәсилиләрниң бири. Йеқинда германийәдики макс-планик институти "тәбиәт" журнилида мәхсус доклат елан қилип, хитайда һәр йили 1 милйон 400 миң адәмниң муһит булғиништин зәһәрлинип өлүп кетидиғанлиқини оттуриға қойған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт