Shénjin ayaq zawuti ishchiliri ish tashlidi

Muxbirimiz méhriban
2014-03-11
Share

Radi'omiz igiligen uchurlardin melum bolushiche, 10-mart küni shénjin shehiri yili zawutidiki 3000 neper ishchi kolléktip ish tashlap, sheher kochilirini aylinip namayish qilghan.

Namayish sewebidin shénjin longgang rayonida yol tosulup, qatnash palech halgha chüshüp qalghan. Shénjin sheherlik hökümet zor türkümdiki saqchilarni ewetken. Saqchilar bilen ishchilar arisidiki tirkishishtin kéyin, ishchilar zawutqa qayturup kélin'gen. Emma ishchilarning qandaq shert bilen zawutqa qayturup kélin'genliki heqqide hazirche éniq melumat yoq.

Tünügünki namayishqa qatnashqan ishchilardin birining bildürüshiche, yéqinda teywenlik xojayindin yili ayaq zawutini ötküzüwalghan yéngi zawut bashliqi uqturush chiqirip, ishchilarning ayliq ish heqqini eslidiki 4500 somdin 2500 somgha chüshürgenlikini élan qilghan. Zawut da'iriliri ish heqqining qachan eslige kélidighanliqi heqqide ishchilargha éniq jawab bermey, zawutning iqtisadiy ehwali yaxshilan'ghandin kéyin, andin ehwalgha qarap ishchilarning ish heqqining östürüp bérilidighanliqini uqturushi, ishchilarni narazi qilghachqa düshenbe künidiki kolléktip ish tashlash weqesi yüz bergen.

Igiligen ehwallardin melum bolushiche, shénjindiki yili ayaq zawuti teywenlikler meblegh salghan zawut bolup, yéqinqi birqanche yildin buyan üzlüksiz ziyan tartishqa bashlighan. Bu sewebtin zawutning eslidiki 20 ming ishchisi qisqartilip, zawutta 4000 gha yetmeydighan ishchi qalghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet